معانا اليوم ع كرسى الاعتراف الانسه shosho

اولا اهلا بيكي ياشوشو
1-اجمل صفه موجوده فيكي؟واسوا صفه؟
2-اتخذت قرار في حياتك وندمت عليه؟
3-بتغلبي الدمعه ولا الدمعه بتغلبك؟
4-الحزن اكتر ولا الفرح في حياتك؟
5-في شخص قابلتيه مره واتمنيتي تكوني الشخص ده؟
(سوري لو طولت عليكي)

انا بقي اجاي واسال روح قلبي روكا واختي العسوله

1/بتشوفي ان الطيبه والحب والاخلاص ف وقتنا ده نادره ومش موجوده بقيت موضه قديمه؟

2/لو معاكي استيكه ممكن تمسحي ايه ف حياتك وحيات اصحابك؟

3/مين اكتر شخص نفسك تكملي حياتك معاها ؟وليه؟

4/ايه اكتر شئ انتي مقصره فيه ف حياتك؟ وليه؟

5/ ندمتي ع واحده او واحد كنتي بتعتبيرهم اكتر من الاخوات والاصدقاء؟

6/ مين الاشخاص اللي ممكن تقدمي ليهم الورد ؟ ومين تقدمي ليهم الشوك؟

7/ندمتي مره ع حب انتي عشتيه وطلع وهم ف الاخر؟

ومعلش يا قمري بقي الاسئله جات جامده ومعلش اني طولت عليكي

اختك مشمشة

مرحبااااااا شوشو على كرسي الاعتراف Smile

اهلا بيكى يا سمسه

مارايك بكرسي الاعتراف؟؟؟؟؟؟؟؟؟؟؟؟؟؟؟؟
فكره جميله كفايه انها قربتنى منكم يا احلى اعضاء
*****

من هو اقرب عضو لك في المنتدى؟؟؟؟؟؟؟؟
احمد جعفر ، مشمشه
*****

امنية تتمنين انها تتحقق؟؟؟؟؟؟؟؟؟؟؟؟؟؟؟؟
اعيش مع الانسان اللى بحبه فى سعاده ...
وامنيه تانيه انى اعمل دار للايتام
*****

باقة شوك حق مين؟؟؟؟؟؟؟؟؟؟؟؟؟؟؟؟؟؟؟؟؟
لكل انسان جرح بنت وكدب عليها
*****

باقة ورد حق مين؟؟؟؟؟؟؟؟؟؟؟؟؟؟؟؟؟؟؟؟؟؟؟
لكل اتنين بيحبوا بعض بجد وبصدق
*****

هل تثق بمن تحادثيم عن طريق النت؟؟؟؟؟؟؟
انا بثق فى كل الناس بسهوله وممكن يكون عيب فيا
بس انا بتعامل بحسن نيه وربنا اللى بيحاسب
*****

ماذا تحب في حياتك ؟؟؟؟؟؟؟؟؟؟؟؟؟؟؟؟؟؟؟؟؟؟
بحب الحب وحبيبى واصدقائى
والخير والصدق والورد والبحر وكل حاجه جميله فى الدنيا
*****

وماذا تكرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الكدب والخداع واتهام الناس بالباطل والجرح والدموع
*****

اية أصعب المواقف اللي مريت بيها ؟؟؟؟؟؟؟؟
تعب مامتى
*****

هل ندمت فحياتك على شي معيـن ؟؟؟؟؟؟؟؟؟؟

ندمت مره على سوء اختيارى
*****

هل انت راضية عن نفسك ..؟؟؟؟؟؟؟؟؟؟؟؟؟؟
الحمد لله
*****

- احد علماء النفس قال ذات مرة : أنه باستطاعة الانسان العيش
من دون اصدقاء .. ماذا ترى أنت ؟
انا مقدرش اعيش بدون اصدقاء
وخصوصا اصدقائى المقربين ليا
*****

كلمة اخيرة توجيهها الى كل انسان؟؟

كما تدين تدان
وحب لاخيك ما تحبه لنفسك
*****

اسمحيلي شوشو على الاسئلة

ميرسى يا قمرى على اسئلتك
ويارب تكون اجابتى واضحه

اهلا وسهلا بيكى على كرسى الاعتراف يا انسه شوشو
اهلا بيك

السؤال1: ما هو اليوم الذى لا تحبيه فى أيام الأسبوع ؟؟؟
مفيش يوم مش بحبه

السؤال2:ما هى الحادثة الى انتى لسه فكراها مع أنها فات عليها وقت كبير ؟؟؟
كانت واحده صحبتى هتموت امام القطار بس الحمد لله ربنا سترها
هى دى الحادثه اللى مش ممكن انساها ابدا
رغم انى كنت فى ابتدائى وقتها

اهلا مره اخره

وبردك منوره كرسى الاعتراف
ميرسى ده نورك
*****

كم مره اتعكستى ؟؟
هههههههههه
مش عارفه والله بس كتير واى بنت بتتعرض لكده
*****

ايه الموقف الجميل الى تفتكرى ؟؟
لما الدكتور بلغنى ان ماما بقت بخير الحمد لله
*****
والعكس صحيح ؟؟
مش فاكره والله
*****

هل مره عليك موت احد من اصدقئك ؟؟ لو مره عليكى ما شعورك ؟؟

مره عرفت ان واحد من اصدقائى اتوفى
وتعبت وكنت هموت من الحزن
وفى الاخر طلع مقلب من اخوه

اولا اهلا بيكي ياشوشو
اهلا بيكى يا قمر

1-اجمل صفه موجوده فيكي؟واسوا صفه؟
اجمل صفه : الطيبه ، اسوا صفه : العصبيه

2-اتخذت قرار في حياتك وندمت عليه؟
لا لانى قبل ما اخد قرار بفكر فيه كويس

3-بتغلبي الدمعه ولا الدمعه بتغلبك؟
اوقات دموعى بتغلبنى لانى حساسه اوووى
واقل حاجه بتاثر فيا وتوجعنى

4-الحزن اكتر ولا الفرح في حياتك؟
لحد دلوقتى الحزن اكتر بس الحمد لله على كل شئ

5-في شخص قابلتيه مره واتمنيتي تكوني الشخص ده؟
اتمنيت انى اكون زى دكتور خالد عبيدو
لانه شخصيه جميله ومحترم ومكانته عاليه

(سوري لو طولت عليكي)
لالا يا قمرى اسئلتك جميله

ازيك ياجميل طبعا انا عندى اسئله كثيرا بس بستاذن الاول ممكن ااسالك وله لا بعد اذانك طبعا ياشوشو
وع فكرة انتى منورة المنتدى كله مش كرسى الاعتراف
ممكن اتفضل بقه اوك
1/اية اجمل واحد فى حياتك ونفسك بجد تقولى ليه حاجة مش عجبكى فيه عايزة يبقه احسن بردة ؟؟؟
2/شوشو لو حصل معاكى موقف مثلا وانتى ماشيه مع صحبتك وطالع واحد يعكس صاحبتك وانتى لا هتكونى زعلانه وله اية مواقفك ؟؟؟
3/شوشونفسك تعملى اية فى المستقبل وحاسه انه هيكون حاجة كويس عمليتها فى حياتك وله هتزايد من نفسك اكثر ؟؟؟
4/قبلتى حد زعلك جامد قبل كدة وانتى لم زعلك عملتى اية يعنى رديت عليه وله سبتي الشخص دة وكتامتى جواكى
5/حساس انك حاجة فى المجتمع الى احنا فيه وله لا ؟؟؟؟

معلشى ياشوشو اسالتى كانت رخمه شويه
ولسه هسالك تانى بس لم تجوابى
ياجماعه الى بسالى اكثر من خمسه اسئله بلاش ياجماعه
فى شروط للعبه ياريت الكل يقراءها

من هنا

مع تحيات ادارة ايجى بوى
اخوكى احمد جعفر

انا بقي اجاي واسال روح قلبي روكا واختي العسوله
حبيبه قلبى منوره المنتدى كله يا قمرى

1/بتشوفي ان الطيبه والحب والاخلاص ف وقتنا ده نادره ومش موجوده بقيت موضه قديمه؟
الطيبه والحب والاخلاص وجودهم نادر جدا فى زمنا ده
بس عمرهم ما كانوا موضه قديمه ولا يمكن اعتبارهم موضه

2/لو معاكي استيكه ممكن تمسحي ايه ف حياتك وحيات اصحابك؟
امسح اى حاجه بكتنى او بكت اصدقائى

3/مين اكتر شخص نفسك تكملي حياتك معاها ؟وليه؟
مع الانسان اللى يحبنى بجد ويتقى ربنا فيا
لان هو ده اللى هيقدر يحققلى السعاده اللى انا بتمناها

4/ايه اكتر شئ انتي مقصره فيه ف حياتك؟ وليه؟
حاسه انى مقصره فى حق ربنا
لان نعمه عليا اكتر بكتير من شكرى ليه واعمالى

5/ ندمتي ع واحده او واحد كنتي بتعتبيرهم اكتر من الاخوات والاصدقاء؟
لا الحمد لله كل اصدقائى بيطلعوا عند حسن ظنى

6/ مين الاشخاص اللي ممكن تقدمي ليهم الورد ؟ ومين تقدمي ليهم الشوك؟
ليكى طبعا يا قلبى ولكل انسان عزيز على قلبى ولك انسانه عزيزه على قلبى
ولكل اللى فى المنتدى
بقدم الشوك لكل واحد بيكدب على بنت او بيخدعها

7/ندمتي مره ع حب انتي عشتيه وطلع وهم ف الاخر؟
ندمت على سوء اختيارى بس رجعت قلت مفيش نصيب ودى اراده ربنا

ومعلش يا قمري بقي الاسئله جات جامده ومعلش اني طولت عليكي
لا يا قمرى مفيش حاجه وبعدين يا مشمشتى مانتى عارفه اجاباتى ههههههه

اختك مشمشة
ربنا يخليكى ليا

ازيك ياجميل طبعا انا عندى اسئله كثيرا بس بستاذن الاول ممكن ااسالك وله لا بعد اذانك طبعا ياشوشو
وع فكرة انتى منورة المنتدى كله مش كرسى الاعتراف
ممكن اتفضل بقه اوك

الحمد لله ميرسى يا احمد ده نورك
وبعدين انت تسال من غير ما تستاذن ما انت حطيتنى ادام الامر الواقع وخلاص
ههههههههههههههههه

1/اية اجمل واحد فى حياتك ونفسك بجد تقولى ليه حاجة مش عجبكى فيه عايزة يبقه احسن بردة ؟؟؟
اجمل واحد فى حياتى هو الانسان اللى بتمناه
والحاجه اللى عايزاه يغيرها فيه انه يحاول يهدى من عصبيته
لان غلط عليه

2/شوشو لو حصل معاكى موقف مثلا وانتى ماشيه مع صحبتك وطالع واحد يعكس صاحبتك وانتى لا هتكونى زعلانه وله اية مواقفك ؟؟؟
على فكره يا احمد بتحصل وعادى خالص

3/شوشونفسك تعملى اية فى المستقبل وحاسه انه هيكون حاجة كويس عمليتها فى حياتك وله هتزايد من نفسك اكثر ؟؟؟
بجد يا احمد نفسى اوى اعمل دار ايتام لان الاطفال الايتام بيصعبوا عليا اوى
ونفسى احققلهم السعاده.... واحاول اساعد الناس فى حل مشاكلهم
وده هيخلينى مبسوطه اوووى

4/قبلتى حد زعلك جامد قبل كدة وانتى لم زعلك عملتى اية يعنى رديت عليه وله سبتي الشخص دة وكتامتى جواكى
قابلت واحد جرحنى جامد وفى الاول كتمت جوايا
بس لما الموضوع زاد عن حده قلتله حسبى الله ونعم الوكيل
وقلتله ان حقى عند ربنا وفعلا ربنا خدلى حقى منه
يلا ربنا يسامحه

5/حساس انك حاجة فى المجتمع الى احنا فيه وله لا ؟؟؟؟
اها الحمد لله حاسه انا ليا اهميه وان باذن الله هيكون ليا دور فى المجتمع
وبرضه ليا قيمه ومكانه واهميه فى وسط اصدقائى

معلشى ياشوشو اسالتى كانت رخمه شويه
ولسه هسالك تانى بس لم تجوابى
تااااااااانى ماشى يا احمد هههههههههه
عارف لو سالت اسئله صعبه تانى هخصمك

ياجماعه الى بسالى اكثر من خمسه اسئله بلاش ياجماعه
فى شروط للعبه ياريت الكل يقراءها

مع تحيات ادارة ايجى بوى
اخوكى احمد جعفر

ما الدرس الى اقلته ليكى الحياه؟؟

ما رايك فى بنات وشباب اليوم دول ؟؟

هل تصلى؟؟؟؟ واذا لما تصلى لماذا لما تصلى ؟؟

معانا اليوم ع كرسى الاعتراف الانسه shosho - صفحة 2 E66cd9ab18

معانا اليوم ع كرسى الاعتراف الانسه shosho - صفحة 2 E66cd9ab18

وشكرا على الرد

ازيك ياشوشو اخبارك اية ياجميل
اولا احنا طولنا عليكى باين بس خلاص كلها يومين ويدخل عضو بعدك تانى ياجميل
ممكن اسئله بقه شويات اسئله وله اية ؟؟؟
طبعا انا حساس الى اسئلتى كانت صعبه شويه النهاردة هتكون سهله خالص

اوك

1/انتى طولك كام ياشوشو وانتى اطول وله زميلك ؟؟
2/ انتى رقم كام فى اخوات وعدد اخواتك كام ؟؟
3/اية رايك فى الحب الى بيقوله عليه الحب من اول نظرة شايفه ان الحب من اول نظرة دة فعلان موجود وله اية احكى ؟؟
4/انتى حالتك الاجتماعيه اية انطواية ام اجتماعيه او هادئه ام اية ؟؟؟
5/ بتقضى يومك ازاى من اول لم تصحى من النوم الى الاخر ومين افضل شخص فى زميلك بتحبيه اوى وبلاش الرد الى تعجب الكل بحب الكل لا انا عايز شخص معين وتزكورى اسمه ياشوشو ومين العضو او العضوة الى هنا تحبى تتكلمى معاه من الاعضاء وبلاش مجامله وتقولى كله الاعضاء انا عايز عضوة او عضو معين ؟؟؟؟؟

وطبعا بكدة اكون سالتك شويات اسئله خفيفه ويارب تكون المنتدى عجبك ياشوشو وربنا معاكى فى الامتحانات ومعانا كلنا
ومعاكى اخوكى احمد جعفر
مع تحيات ادارة ايجى بوى

س1\ كيف حالك ؟؟ Question

؟؟

س2/ ماهو شعورك وانتي في كرسي الاعتراف ؟ مع الشرح بالتفصيل؟؟؟؟ Question

؟

س3/ كل انسان لابد وان يمر بعدد من المواقف منها الطريف والمؤلم وغيرها اذكري لنا
بعد اذنك يعني موقف طريف وموقف مؤلم واسفة على تقليب الماجع وموقف محرج
حصل لكي واتمنيتي انه الارض انشقت وبلعتك هههههههههه ؟؟ Question

؟

ساعطيك ورقه وقلم مع القليل من الالوان الخافته واريد منك ان ترسمي لوحه معبره عن حال العالم العربي ؟ ماذا ستفعلين ؟

ما هو موقفك من خياانة اقرب النااس الى قلبك ؟ Question

؟

اتمنى لكي قضاء اسعد الاوقات واجملها وانتي تجاوبي ...

هذه اسئله خفيفه وانشاء الله لي عوده واسئله جديده ههههههههه

Wink

[/center]

أهلا يا آنسه شوشو...مش هعتقك النهاردة
Question

ايه اسمك الحقيقي ؟؟
ايه هو لونك المفضل؟؟
ايه أكتر حاجة بتحبيها وأكتر حاجة بتكرهيها بردة؟
ايه اكتر بلد نفسك تزوريها؟؟
وايه اكتر مكان او بلد بتحبيه في مصر نفسها؟؟

ويارب تكون اسئلتي خفيفة عليكي

ما الدرس الى اقلته ليكى الحياه؟؟
انى مش اصدق اى حد بسهوله لكن للاسف برضه مش عارفه اتعلم من الدرس ده

ما رايك فى بنات وشباب اليوم دول ؟؟
مقدرش اقول غير ربنا يهدينا ويهديهم
لان حاليا 30 % كويسين وال 70 % يعلم بيهم ربنا
وخصوصا ان دلوقتى فى شباب بيعتبروا البنت لعبه جميلة وفى بنات بتعتبر الحب تقضيه وقت جميل

هل تصلى؟؟؟؟ واذا لما تصلى لماذا لما تصلى ؟؟

الحمد لله بصلى طبعا

وشكرا على الرد
الشكر لله

ازيك ياشوشو اخبارك اية ياجميل
الحمد لله بخير

اولا احنا طولنا عليكى باين بس خلاص كلها يومين ويدخل عضو بعدك تانى ياجميل
يا مسهل علشان اطلع عليها او عليه اللى حصلى ههههههههههه

ممكن اسئله بقه شويات اسئله وله اية ؟؟؟
اتفضل طبعا ممكن

طبعا انا حساس الى اسئلتى كانت صعبه شويه النهاردة هتكون سهله خالص
اوك

1/انتى طولك كام ياشوشو وانتى اطول وله زميلك ؟؟
انا مش عارفه طولى بالظبط بس زمايلى اطول منى
هههههههههه
بس انا مش قصيره هما اللى طوال اعمل ايه

2/ انتى رقم كام فى اخوات وعدد اخواتك كام ؟؟
انا رقم واحد ههههههه لانى الكبيره
وليا اخين اصغر منى .. احمد ومحمد

3/اية رايك فى الحب الى بيقوله عليه الحب من اول نظرة شايفه ان الحب من اول نظرة دة فعلان موجود وله اية احكى ؟؟
هو مش بيبقى حب ممكن اسميه اعجاب وبعد كده بيتحول لحب
لكن مش معقول واحد شاف بنت حبها لكن ممكن يكون لاقى فيها اللى بيتمناه
فانجذب لها وبعد كده لما قرب منها حبها

4/انتى حالتك الاجتماعيه اية انطواية ام اجتماعيه او هادئه ام اية ؟؟؟

انا كنت انطوائيه بس حاليا بقيت اجتماعية نوعا ما وهاديه والحمد لله كل اصدقائى بيحبونى

5/ بتقضى يومك ازاى من اول لم تصحى من النوم الى الاخر ومين افضل شخص فى زميلك بتحبيه اوى وبلاش الرد الى تعجب الكل بحب الكل لا انا عايز شخص معين وتزكورى اسمه ياشوشو ومين العضو او العضوة الى هنا تحبى تتكلمى معاه من الاعضاء وبلاش مجامله وتقولى كله الاعضاء انا عايز عضوة او عضو معين ؟؟؟؟؟

* ياااااه دى قصه كبيره
عموما هقولك فى العادى بصحى من النوم اخد شاور واصلى ولو عندى معهد بنزل
بحضر الجزء الاول من المحاضرات وبعدين بقعد مع اصدقائى شويه وبطلع احضر باقى المحاضرات
وبعدين بروح على الساعه 7 بكون ف البيت بعد كده بتغدى ولو مش عندى مذاكره بقعد مع اصدقائى على النت
وكذلك لو عندى تدريب بس كده..
* والله يا احمد زمايلى كلهم عندى معزتهم واحده
بس عندى 4 بنات يعتبروا اقرب اصدقائى بس مش هقدر اذكر اسماء
اما بالنسبه للاعضاء فاكيد كلهم زى العسل بس مش بتكلم معاهم
انت بس اللى ليا كلام معاك وطبعا بحب اتكلم معاك باستثناء اصحابى اللى اعضاء جدد فى المنتدى

وطبعا بكدة اكون سالتك شويات اسئله خفيفه ويارب تكون المنتدى عجبك ياشوشو وربنا معاكى فى الامتحانات ومعانا كلنا
كل ده وخفيفه ماااااشى مقبوله منك ويارب تكون اجاباتى مقنعه ... ربنا معانا كلنا يارب
ومعاكى اخوكى احمد جعفر
ليا الشرف يا احمد انك اخويا
مع تحيات ادارة ايجى بوى

س1\ كيف حالك ؟؟؟؟

الحمد لله بخير

س2/ ماهو شعورك وانتي في كرسي الاعتراف ؟ مع الشرح بالتفصيل؟؟؟؟ ؟

ههههههههههههه والله انا مبسوطه انى بدردش معاكم لانكم اعضاء زى العسل
هو فى اسئله بتعب من الفكير فى رد مناسب ليها بس الحمد لله بوصله فى النهايه
وعموما يا سمسمه هيجى اليوم اللى تبقى فى مكانى وتشعرى باللى انا فيه
هههههههههههه

س3/ كل انسان لابد وان يمر بعدد من المواقف منها الطريف والمؤلم وغيرها اذكري لنا
بعد اذنك يعني موقف طريف وموقف مؤلم واسفة على تقليب الماجع وموقف محرج
حصل لكي واتمنيتي انه الارض انشقت وبلعتك هههههههههه ؟؟ ؟

* فى موقف طريف ومحرج فى نفس الوقت هحكيلك عليه
كنت رايحه اقدم فى المعهد وكانت معايا ماما
وانا وهى مش لينا فى زحمه المواصلات
وبعدين جت عربيه والناس جريت عليها المهم انا بقا اتفلسفت
وقلت لماما انا هركبك وجريت علشان اركب وبعدين الناس راحوا
زقونى رحت وقعت على الرصيف
ومن كتر الاحراج اللى كنت فيه بقيت بضحك
وفضلنا طول الطريق نضحك

* الموقف المؤلم يوم ما انفصلت انا واللى كنت مرتبطه بيه وقلتله كل شئ قسمه ونصيب

ساعطيك ورقه وقلم مع القليل من الالوان الخافته واريد منك ان ترسمي لوحه معبره عن حال العالم العربي ؟ ماذا ستفعلين ؟

هرسم اسهم متفرقه ومتباعده دليل على تفكك العالم العربى وكل بلد فى اتجاه

ما هو موقفك من خياانة اقرب النااس الى قلبك ؟ ؟
هحزن حزن مش يتنسى لو فضلت طول العمر احاول انساه
ومش هقول غير كلمه واحده حسبى الله ونعم الوكيل

اتمنى لكي قضاء اسعد الاوقات واجملها وانتي تجاوبي ...

انا جاوبتك يا قمر اى خدمة

هذه اسئله خفيفه وانشاء الله لي عوده واسئله جديده ههههههههه
ههههههههه ماشى منتظره اسئلتك

أهلا يا آنسه شوشو...مش هعتقك النهاردة
Question

اهلا بيك

ايه اسمك الحقيقي ؟؟
اسمى الحقيقى : شروق

ايه هو لونك المفضل؟؟
الاحمر ، والبيج ، والسماوى

ايه أكتر حاجة بتحبيها وأكتر حاجة بتكرهيها بردة؟
* اكتر حاجه بحبها : الورد والبحر
واكتر حاجه بكرهها : الخيانه والغدر

ايه اكتر بلد نفسك تزوريها؟؟
اكيد السعوديه وخصوصا مكه علشان الحرم
ربنا يوعدنا كلنا بزيارته

وايه اكتر مكان او بلد بتحبيه في مصر نفسها؟؟
اسكندريه ومرسى مطروح

ويارب تكون اسئلتي خفيفة عليكي
ميرسى يا قمر على الاسئله ويارب تكون اجاباتى مناسبه

قولى يا شوشو موقف طريف حصل ليكى دة اولا ثانيا لو فى ايدك عصايه سحريه وتقدرى تعملى 3 حاجات هتعملى ايه ثالثا لو كنتى طبيبه تجميل تجملى ايه فى شكلك الخارجى وتجملى ايه يا قمر فى شكلك الداخلى

» معانا اليوم على كرسى الاعتراف الانسه / justfriend4love
» معانا اليوم على كرسى الاعتراف اسلام واتفضل يامان
» معانا اليوم على كرسى الاعتراف العضو محمد العزب
» معانا اليوم نجمه جديدة على كرسى االاعتراف
» معانا اليوم نجمه جديدة على كرسى االاعتراف